ملتان: پاکستان اور ویسٹ انڈیز کے درمیان کھیلے جا رہے دوسرے ٹیسٹ میچ کے دوسرے دن کے کھیل کا وقت ختم ہوگیا ہے۔ پاکستان نے 254 رنز کے ہدف کے تعاقب میں 76 رنز بنالیے ہیں اور اس کے 4 کھلاڑی آؤٹ ہوئے ہیں۔
سعود شکیل 13 اور نائٹ واچ مین کاشف علی ایک رنز بنا کر کریز پر موجود ہیں۔ شان مسعود اور محمد ہریرہ 2،2 رنز بنا کر آؤٹ ہوئے۔ بابر اعظم نے 31 اور کامران غلام نے انیس رنز بنائے۔
ویسٹ انڈیز کی طرف سے سنکلیئر نے 2 جبکہ موٹی اور ویریکن نے ایک ایک کھلاڑی کو آؤٹ کیا۔ آج میچ کے تیسرے دن پاکستان کو فتح کے لیے 178 رنز جبکہ ویسٹ انڈیز کو 6 وکٹیں درکار ہیں۔
قبل ازیں دوسرے ٹیسٹ میچ کی دوسری اننگز میں پاکستان کے خلاف ویسٹ انڈیز کی پوری ٹیم 244 رنز بنا کر آؤٹ ہوگئی تھی یوں پاکستان کو میچ جیتنے کے لیے 254 رنز کا ہدف ملا تھا۔
ملتان میں کھیلے جارہے میچ میں پاکستان کی جانب سے نعمان علی اور ساجد خان نے 4،4 جبکہ کاشف علی اور ابرار احمد نے 1،1 وکٹ حاصل کی۔
دوسری اننگز میں مجموعی طور پر ویسٹ انڈیز کی ٹیم نے 66.1 اوورز بیٹنگ کی۔دوسرے ٹیسٹ میچ میں ویسٹ انڈیز کی ٹیم پہلی اننگز میں 163 رنز بنا کر آؤٹ ہو گئی تھی۔
پاکستان کی ٹیم 163 رنز کے جواب میں اپنی پہلی اننگز میں 154 رنز بنا سکی تھی۔مہمان ٹیم کو پہلی اننگز میں 9 رنز کی برتری حاصل ہو گئی تھی۔
