23 مارچ کا دن ہمیں ہمارے قومی ہیروز کی یاد دلاتا ہے۔ دن کی مناسبت سے ملک بھر میں مختلف شعبہ جات سے تعلق رکھنے والے ہیروز کو خراجِ تحسین پیش کرنے کا سلسلہ جاری ہے۔
چترال سے تعلق رکھنے والے ایسے ہی ایک ہیروہدایت اللّٰہ کااپنی خدمات کے حوالے سے کہنا تھا کہ وہ 1988 سےطالب علموں کی خدمت میں مشغول ہیں اوران کیلئے ہاسٹل بھی بنایاہے.
ہدایت اللہ کا کہنا ہے کہ الخدمت فاؤنڈیشن کے توسط سے مجھے چترال کے طالبعلموں کے مسائل کا اندازہ ہوا۔ جو طالبعلم مالی مشکلات کے باعث تعلیم حاصل کرنے سے محروم تھے ان کی تعلیم کا بندوست کیا گیا۔ الخدمت فاؤنڈیشن کے ذریعے مستحق طالب علموں کی پڑھائی میں مالی مدد کی گئی جس سے وہ اعلی عہدوں پر بھی فائز ہوئے۔
ہدایت اللہ کا مزید کہنا تھا کہ آج چترال میں سالانہ سو غریب بچوں کو اعلی تعلیم دی جاتی ہے۔ ادارے کی کامیابی کا راز یہی ہے کہ چترال کمیونٹی کے لوگ ہمارے ساتھ تعاون کرتے ہیں۔ اسلام آباد، لاہور اور کے پی کے کی مختلف یونیورسٹیاں ہمارے بچوں کو تعلیم دینے میں اپنا کردار ادا کر رہی ہیں ۔
انہوں نے مزید بتایا کہ ہر سال چترالی طالبعلموں کو 5 کڑور فیس معاف کی جاتی ہے۔ ہم چاہتے ہیں کہ اپنے پروگرام کو مالاکنڈ ڈویژن تک لے آئیں۔ روز ادارہ میرا ذاتی نہیں بلکہ قوم کا ادارہ ہے، ہمیں اس کی تعمیر و ترقی کے لئے مل کر کوششیں کرنی چاہیے۔نوجوانوں کو چائیے کہ تعلیم حاصل کریں کیونکہ اسی کے ذریعے ہم ترقی یافتہ ہو سکتے ہیں۔
