پاکستان سپر لیگ کے دسویں ایڈیشن کا 18 واں میچ۔
لاہور کے قذافی اسٹیڈیم میں کوئٹہ گلیڈی ایٹرز اور ملتان سلطانز کا میچ۔۔
کوئٹہ گلیڈی ایٹرز نے ملتان سلطانز کو عبرت ناک شکست دیدی۔ٹورنامنٹ میں ملتان سلطانز کی یہ چھٹی شکست ہے۔
پہلے کھیلتے ہوئے ملتان سلطانز نے صرف 89 رنز بنائے۔ پوری ٹیم مقررہ 20 اوورز بھی پورے نہ کھیل سکی اور 17 ویں اوور میں ہی پوری ٹیم پویلین لوٹ گئی۔
ملتان سلطانز کے کپتان محمد رضوان 44 رنز کے ساتھ ناٹ آؤٹ رہے۔ ان کے علاوہ کوئی بھی بیٹر کوئٹہ کی بولنگ کا مقابلہ نہ کرسکا۔ ملتان سلطانز کے 9 کھلاڑی ڈبل فیگر میں بھی داخل نہ ہوسکے۔
محمد رضوان پاکستان سپر لیگ میں بیٹ کیری کرنے والے پہلے کھلاڑی بن گئے
کوئٹہ گلیڈی ایٹرز کی جانب سے خرم شہزاد نے چار کھلاڑیوں کو آؤٹ کیا۔ ان کے علاوہ فہیم اشرف اور وسیم جونئیر نے دو، دو وکٹیں حاصل کیں۔
کوئٹہ گلیڈی ایٹرز نے 90 رنز کا ہدف ساتویں اوور میں بغیر کسی نقصان کے حاصل کرلیا۔
کوئٹہ گلیڈی ایٹرز کے فن ایلن نے 45 اورکپتان سعود شکیل نے 42 رنز اسکور کیے۔
