اسلام آباد: وزیرِ اعظم محمد شہباز شریف ایک روزہ سرکاری دورہ پر متحدہ عرب امارات روانہ ہوگئے ہیں۔
وزیرِ اعظم محمد شہباز شریف وفد کے ہمراہ اسلام آباد سے متحدہ عرب امارات کیلئے روانہ ہوئے ہیں۔
متحدہ عرب امارات کے صدر اور ابو ظہبی کے فرمانروا عزت مآب شیخ محمد بن زید النہیان کی دعوت پر وزیرِ اعظم محمد شہباز شریف متحدہ امارات کا سرکاری دورہ کر رہے ہیں۔ وزیرِ اعظم متحدہ عرب امارات کی قیادت سے ملاقات کریں گے.
نائب وزیرِ اعظم و وزیرِ خارجہ محمد اسحاق ڈار، وفاقی وزیر اطلاعات ونشریات عطاء اللہ تارڑ اور معاون خصوصی طارق فاطمی بھی وزیرِ اعظم کے ہمراہ ہیں.
