پاکستان تحریک انصاف کے بانی عمران خان کی ہمشیرہ علیمہ خان نے کہا ہے کہ قاسم اور سلیمان اپنے والد کی رہائی کیلئے ٹرمپ کے پاس نہ جائیں تو کہاں جائیں؟
اڈیالہ جیل سے کچھ دور میڈیا سے بات چیت میں علیمہ خان نے کہا پاکستان میں انصاف کیلئے بچے کہاں جائیں گے۔ صحافی کے سوال پر کیا ٹرمپ مدد کرسکتے ہیں آپ کی؟ اس سوال پر علیمہ خان ٹرمپ کا نام لے کر خاموش ہو گئیں۔۔
انہوں نے کہا حکومت کے ہاتھ میں کچھ نہیں۔۔ احتجاج ہوتا ہے تو ڈر جاتے ہیں۔ جب تک بانی پی ٹی آئی سے ملاقات نہیں کروائی جاتی ہم یہیں بیٹھے رہینگے۔ احتجاج کی کال تھی لگتا ہے عوام سے زیادہ پولیس سڑکوں پر کھڑی ہے۔ حکومت اگر مذاکرات چاہتی ہے تو جا کر بانی سے جیل میں بات کرے ۔
نورین نیازی اور عظمی خان کے ہمراہ چکری انٹرچینج پر میڈیا سے گفتگو کرتے ہوئے علیمہ خان کا مزید کہنا تھا کہ بانی کے بچوں کے بارے میں رانا ثناء اللہ نے کہا تھا وہ پاکستان آئیں گے تو گرفتار ہونگے۔ بانی کے بچے آنا چاہتے ہیں انہوں نے ویزا کی درخواست دی لیکن انہوں نے نہیں دیا۔ بچوں کے ویزا ٹریکنگ نمبر ہمارے پاس ہیں۔
بانی پی ٹی آئی کو آج دو سال جیل میں پورے ہوگئے ہیں۔ ایک صحافی نے سوال کیا کہ یوم استحصال کشمیر بانی نے منانے کا اعلان کیا تھا آج کے دن ہی انہوں نے احتجاج کی کال دی کیا تاثر جائے گا؟ جس پر علیمہ خان نے کہا کہ آپ پاکستان اور مقبوضہ کشمیر دونوں کا جھنڈا اٹھائیں۔۔ مقبوضہ کشمیر میں جو کچھ ہو رہا ہے وہی آج پاکستان میں ہو رہا ہے، ہمیں مقبوضہ کشمیر والے بتاتے ہیں ان کے حالات اتنے خراب نہیں جتنے پاکستان کے ہیں۔
انہوں نے کہا کشمیر اور پاکستان میں ایک ہی طرح کا ظلم ہو رہا ہے۔ ایک اور سوال پر کہ جیسے احتجاج کی توقع کی جا رہی تھی اس طرح لوگ نکلے نہیں؟علیمہ خان نے جواب دیا کہ پتہ نہیں یہ تو آپ کو پتہ ہوگا، لوگ نکلنا چاہ رہے ہیں اور لوگ نکلیں گے۔
بانی کی فیملی کی خواتین کو روکنے کی سمجھ نہیں آ رہی۔ پی ٹی آئی کے پیچھے 80 فیصد عوام کھڑی ہے۔رول آف لاء کیلئے ہماری تحریک جاری رہے گی۔۔
سیاسی جماعتوں کو اب سمجھ آ رہی ہے ملک کے ساتھ کیا ہو رہا ہے۔ بانی پی ٹی آئی نے کہا تھا جوبائیڈن انتظامیہ نے ان کی حکومت گرائی ہے، ٹرمپ کیلئے تو ہماری حکومت ہی بھاگی جارہی ہے کیوں؟
سننے میں آرہا ہے ملک کی معدنیات دینی پڑ رہی ہیں۔ کمزوروں سے دنیا فائدہ اٹھاتی ہے یہ نظر بھی آرہا ہے۔ گزشتہ سماعت پر ہمارے وکیل نے پیغام دیا تھا کہ نا اہل ہونے والی سیٹوں کے الیکشن میں پی ٹی آئی حصہ نہیں لے گی۔
صحافی نے سال کیا کہ سلیمان اور قاسم نے ٹرمپ سے مدد مانگی ہے آپ اس بات کی تائید کرتی ہیں؟ علیمہ خان نے جواب دیا کہ سلیمان اور قاسم امریکہ جائیں پاکستان آئیں وہ جہاں مرضی جاسکتے ہیں، بانی کے بچے ٹرمپ کے پاس نہ جائیں تو کہاں جائیں؟
