وزیر اعظم شہباز شریف نے نئے مالی سال 2026-2025 کے پہلے مہینے جولائی میں پاکستان کی برآمدات 2.7 ارب امریکی ڈالرز تک پہنچنے پر اظہار اطمینان کیا ہے۔۔
وزیراعظم آفس سے جاری بیان میں کہا گیا ہے کہ جولائی2025 میں برآمدات میں 17 فیصد اضافہ ہوا ہے جو انتہائی خوش آئند ہے۔۔ صرف ایک ماہ میں برآمدات میں 9 فیصد اضافہ انتہائی تسلی بخش ہے۔۔
وزیراعظم نے کہا کہ برآمدات پر مبنی ترقی حکومت کی اولین ترجیح ہے۔۔ حکومت کی بہترین معاشی پالیسیوں اور ترجیحات کی بدولت معاشی اشاریے درست سمت میں گامزن ہیں۔۔ حکومت کی معاشی ٹیم کی کاوشیں لائق تحسین ہیں۔۔
وزیراعظم کے جاری بیان کے مطابق حکومت ملک سے برآمدات میں اضافے ، سرمایہ کاری کے فروغ اور کاروبار دوست ماحول کی فراہمی کے لئے کوشاں ہے۔۔فیس لیس کسٹم اسیسمنٹ سسٹم کے نفاذ سے پورٹ آپریشنز میں مزید بہتری لا رہے ہیں۔۔
جی ڈی پی میں ٹیکس کلیکشن کے تناسب میں اضافہ حکومت کے لیے قابل اطمینان ہے۔۔ عالمی مالیاتی اداروں کی جانب سے پاکستان کی کریڈٹ ریٹنگز میں بہتری پاکستان کی معیشت میں استحکام کی عکاس ہے۔۔
وزیراعظم نے کہا کہ پچھلے مالی سال میں ترسیلات زر کی مد میں 38 ارب امریکی ڈالرز موصول ہوئے جو کہ مالی سال 2023-2024 کے مقابلے 28.8 فیصد زائد ہیں۔۔ بیرون ملک پاکستانیوں کے لئے مزید سہولیات فراہم کی جارہی ہیں۔۔
وزیراعظم کے بیان کے مطابق پاکستان اسٹاک ایکسچنج 100 انڈیکس نے 145000 کی حد عبور کرکے حالیہ دنوں میں تاریخی کارکردگی دکھائی ہے۔۔ حکومت ملک سے برآمدات میں اضافے، سرمایہ کاری کے فروغ اور کاروبار دوست ماحول کی فراہمی کے لئے کوشاں ہے۔۔
