نیشنل ڈیزاسٹر منیجمنٹ اتھارٹی (این ڈی ایم اے) نے پنجاب، خیبرپختونخوا اور بلوچستان میں مون سون کے نئے سپیل کی وارننگ جاری کر دی۔۔ اتھارٹی نے کہا ہے کہ شدید بارشوں اور تینوں صوبوں میں شدید سیلاب کا خطرہ ہے۔۔
شمالی خیبر پختونخواہ میں چترال، دیر، سوات، کالام، مانسہرہ، بٹگرام، ایبٹ آباد اورہری پور میں شدید بارشیں متوقع ہیں۔۔ پہاڑی علاقوں میں لینڈ سلائیڈنگ اور اچانک سیلابی پیدا ہونے کا قوی امکان ہے۔۔
وسطی خیبر پختونخواہ میں مردان، صوابی، پشاور، چارسدہ، نوشہرہ، کوہاٹ، ہنگو کے شہری علاقوں میں شدید سیلابی صورتحال کی توقع ہے۔۔ جنوبی خیبر پختونخواہ میں بنوں، لکی مروت، ڈی آئی خان، وزیرستان، کرم (پارہ چنار) اورباجوڑ کے نشیبی علاقوں میں بھی سیلاب اور برساتی نالوں طغیانی کا خدشہ ہے۔۔
اسلام آباد اور شمالی پنجاب بشمول راولپنڈی، اٹک، جہلم، چکوال، تلہ گنگ میں ممکنہ طور پر شدید بارشوں کے شہروں کے نشیبی علاقوں میں سیلاب کا امکان ہے۔۔
وسطی پنجاب میں میانوالی، خوشاب، سرگودھا میں تیز ہواؤں کے ساتھ شدید بارشیں متوقع ہیں۔۔
وسطی پنجاب میں فیصل آباد، منڈی بہاؤالدین، گجرات کے شہری علاقوں میں سیلاب، ندی نالوں میں طغیانی متوقع ہیں۔۔ شمال مشرقی پنجاب میں گوجرانوالہ، سیالکوٹ، حافظ آباد، نارووال میں موسلادھار بارشوں کا امکان ہے۔۔
پنجاب میں لاہور، قصور، اوکاڑہ میں بھی تیز بارشوں سے سیلاب کا خطرہ ہے۔۔
دریائے جہلم کے بالائی علاقوں بشمول جہلم، پونچھ، مظفرآباد اور کانچی میں شدید بارشیں متوقع ہیں۔۔ دریاۓ راوی اور ستلج میں سیلاب جبکہ ملحقہ ندی نالوں میں بھی طغیانی کا خدشہ ہے۔۔
شمالی بلوچستان کے اضلاع کوئٹہ، ژوب، زیارت، لورالائی، قلات، نوشکی، برکھان، سبی، ڈیرہ بگٹی، سوئی، خاران میں وقفے وقفے سے بارش ہو سکتی ہے۔۔
جنوبی بلوچستان کے اضلاع بشمول خضدار، آواران، واشک، تربت، ہنگول، اورماڑہ، گڈانی میں شدیدبارش کا امکان پہاڑی ندی نالوں میں اچانک سیلابی صورتحال کا خدشہ ہے۔۔شہری غیر ضروری سفر سے گریز کریں؛ موسمی حالات سے آگاہ رہیں۔
