پاکستان نے فلسطین کی غیر متزلزل حمایت کا اعادہ کرتے ہوئے ہر سفارتی فورم پر فلسطینی عوام کے حقوق کیلئے پوری قوت سے آواز بلند کرنے کے عزم کا اعادہ کیا ہے۔
وزیر اعظم شہباز شریف سے فلسطینی صدر کے مشیر برائے مذہبی امور اور شرعی عدالت کے چیف جسٹس محمود صدیقی الھباش کی وفد کے ہمراہ ملاقات ہوئی۔
اس موقع پر وزیراعظم نے کہا کہ فلسطینی بہادری سے اسرائیلی جارحیت کا سامنا کر رہے ہیں، اسرائیلی قابض افواج کے ہاتھوں انسانی ساختہ قحط کا شکار ہیں، پاکستان غزہ کے لوگوں کے لیے انسانی امداد کی فراہمی جاری رکھے گا۔
اس کے علاوہ پاکستان نے فلسطین کی غیر متزلزل حمایت کا اعادہ کرتے ہوئے ہر سفارتی فورم پر فلسطینی عوام کے حقوق کیلئے پوری قوت سے آواز بلند کرنے کے عزم کا اعادہ بھی کیا۔
فلسطینی صدر کے مشیر نے پاکستان میں سیلاب سے ہونے والے نقصانات پر اظہار افسوس کیا اور صدر محمود عباس کی جانب سے ایک خط بھی وزیراعظم کو دیا جس پر وزیراعظم نے فلسطین کے صدر محمود عباس کیلئے تہنیتی پیغام بھی دیا۔
