دوحہ میں آرمی چیف فیلڈ مارشل سید عاصم منیر نے قطر کے نائب وزیرِ اعظم اور وزیرِ مملکت برائے دفاع عزت مآب شیخ سعود بن عبدالرحمن بن حسن الثانی سے ملاقات کی۔
ملاقات میں دونوں رہنماؤں نے دفاعی تعاون بڑھانے، باہمی دلچسپی کے امور اور علاقائی و بین الاقوامی صورتحال پر تبادلہ خیال کیا۔ اس موقع پر پاکستان اور قطر کے سینئر عسکری حکام بھی موجود تھے۔ فریقین نے پاکستان اور قطر کے درمیان دفاعی تعلقات کو مزید مستحکم بنانے پر اتفاق کیا۔
