ہرارے — زمبابوے میں جاری انڈر 19 سہ ملکی کرکٹ سیریز کے دوسرے میچ میں پاکستان نے افغانستان کو ایک وکٹ سے شکست دے کر اہم کامیابی حاصل کر لی۔
میچ میں پاکستان نے ٹاس جیت کر پہلے فیلڈنگ کا فیصلہ کیا، جس کے نتیجے میں افغانستان کی پوری ٹیم 226 رنز بنا کر آؤٹ ہو گئی۔ پاکستان کی جانب سے عثمان خان نے شاندار بولنگ کا مظاہرہ کرتے ہوئے 4 وکٹیں حاصل کیں۔
227 رنز کے ہدف کے تعاقب میں پاکستان کی اننگز دباؤ کا شکار رہی اور ایک موقع پر 9 وکٹیں 201 رنز پر گر چکی تھیں۔ تاہم اس نازک مرحلے پر حمزہ ظہور اور نقاب شفیق نے ذمہ دارانہ اور جرات مندانہ بیٹنگ کرتے ہوئے ٹیم کو فتح سے ہمکنار کیا۔
حمزہ ظہور نے ناقابلِ شکست 68 رنز کی شاندار اننگز کھیلی، جبکہ کپتان فرحان یوسف نے بھی عمدہ کھیل پیش کرتے ہوئے 65 رنز اسکور کیے۔
پاکستان نے مطلوبہ ہدف 3 گیندیں قبل 9 وکٹوں کے نقصان پر حاصل کر لیا۔
اس فتح کے ساتھ پاکستان انڈر 19 ٹیم نے نہ صرف سیریز میں مضبوط آغاز کیا بلکہ مشکل حالات میں میچ جیتنے کی صلاحیت کا بھی بھرپور مظاہرہ کیا۔
About The Author
