غزہ — اسرائیلی حکام نے بین الاقوامی امدادی تنظیم ڈاکٹرز ود آؤٹ بارڈرز (MSF) کو غزہ میں اپنی سرگرمیاں بند کرنے کا حکم دے دیا ہے۔
اسرائیلی حکام کے مطابق تنظیم اپنے مقامی عملے کی مکمل فہرست فراہم کرنے میں ناکام رہی، جس کے باعث انہیں علاقے میں کام کی اجازت نہیں دی جا سکتی۔
مزید بتایا گیا کہ اسرائیل کے زیرِ کنٹرول علاقوں میں کام کرنے والی تمام امدادی تنظیموں کے لیے یہ شرط لازم ہے کہ وہ اپنے کارکنوں کی تفصیلات فراہم کریں، اور اس شرط پر عمل نہ کرنے کی صورت میں امدادی سرگرمیاں بند کر دی جائیں گی۔
اس پیش رفت سے غزہ میں انسانی امداد کی فراہمی متاثر ہو سکتی ہے، جہاں گزشتہ کئی ماہ سے حالات نازک اور انسانی بحران جاری ہے۔
About The Author
