ایران نے اپنے جدید بیلسٹک میزائل پروگرام کے تحت خرمشہر 4 بیلسٹک میزائل کا کامیاب تجربہ کیا ہے۔ ایرانی میڈیا کے مطابق یہ میزائل 2,000 کلومیٹر کی رینج تک ہدف کو نشانہ بنا سکتا ہے اور 1,500 کلوگرام وزن کے وار ہیڈ لے جانے کی صلاحیت رکھتا ہے۔
یہ تجربہ ایسے وقت میں ہوا ہے جب امریکا ایران کے ساتھ جوہری مذاکرات میں بیلسٹک میزائل پروگرام پر بھی بات کرنے پر زور دے رہا ہے، جبکہ ایران نے مذاکرات کو صرف جوہری مسائل تک محدود رکھنے کا موقف اختیار کیا ہے۔
وائٹ ہاؤس کے ترجمان نے بتایا کہ صدر ڈونلڈ ٹرمپ عمان میں جاری امریکا-ایران مذاکرات کی پیش رفت پر نظر رکھے ہوئے ہیں۔ مذاکرات کا مقصد یہ جانچنا ہے کہ ایران کے ساتھ ممکنہ ڈیل طے پائی جا سکتی ہے یا نہیں۔
About The Author
