ویمن ٹی ٹوئنٹی سیریز کے دوسرے میچ میں جنوبی افریقہ ویمن کرکٹ ٹیم نے پاکستان ویمن کرکٹ ٹیم کو 6 وکٹوں سے شکست دے کر سیریز میں فیصلہ کن برتری حاصل کرلی۔
بارش کے باعث میچ کو 14،14 اوورز تک محدود کردیا گیا تھا۔ پاکستان ویمن نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 100 رنز بنائے۔ عالیہ ریاض 20 اور عائشہ ظفر 13 رنز کے ساتھ نمایاں رہیں جبکہ دیگر بیٹرز خاطر خواہ کارکردگی نہ دکھا سکیں۔
ہدف کے تعاقب میں جنوبی افریقہ ویمن نے محتاط آغاز کے بعد مطلوبہ ہدف 4 گیندیں قبل 4 وکٹوں کے نقصان پر حاصل کرلیا۔
مسلسل دوسری کامیابی کے بعد جنوبی افریقہ ویمن کو تین میچوں کی سیریز میں 0-2 کی برتری حاصل ہوگئی ہے اور سیریز ان کے نام ہوگئی ہے، جبکہ آخری میچ اب محض رسمی حیثیت اختیار کرگیا ہے۔
About The Author
