پاکستان کے نامور ٹینس اسٹار اعصام الحق نے قومی ٹیم کے اسپنر ابرار احمد کو بھارت کے خلاف اہم میچ کے لیے ’ٹرمپ کارڈ‘ قرار دے دیا۔
اپنے بیان میں اعصام الحق کا کہنا تھا کہ پاکستان ٹیم ایونٹ میں اپنے ابتدائی دونوں میچ جیت چکی ہے اور ان شاء اللہ روایتی حریف بھارت کو بھی شکست دے گی۔ انہوں نے کہا کہ بابر اعظم، شاہین شاہ آفریدی اور دیگر کھلاڑی بھی میچ میں نمایاں کارکردگی دکھائیں گے۔
انہوں نے اس امید کا اظہار کیا کہ قومی ٹیم متحد ہو کر میدان میں اترے گی اور کامیابی پاکستان کا مقدر بنے گی۔
اعصام الحق نے بھارتی کھلاڑیوں کی جانب سے ہاتھ نہ ملانے کے عمل کو اخلاقیات کے منافی قرار دیتے ہوئے کہا کہ کھیل میں سپورٹس مین اسپرٹ سب سے اہم ہوتی ہے اور کھلاڑیوں کو ہاتھ ملانے کے ساتھ ایک دوسرے سے گلے بھی ملنا چاہیے۔
About The Author
