لاہور – نشتر پارک اسپورٹس کمپلیکس میں سپورٹس ڈیپارٹمنٹ پنجاب کے زیر اہتمام خواتین کے سب سے بڑے اسپورٹس ایونٹ کھیلتا پنجاب پنک گیمز کے مقابلے اختتام پذیر ہو گئے۔ لاہور ڈویژن نے 35 میڈلز کے ساتھ پہلی پوزیشن حاصل کی، جبکہ فیصل آباد 25 میڈلز کے ساتھ دوسرے اور ملتان 15 میڈلز کے ساتھ تیسرے نمبر پر رہا۔
اختتامی تقریب کے مہمان خصوصی صوبائی وزیر کھیل پنجاب ملک فیصل ایوب کھوکھر تھے، جنہوں نے کامیاب کھلاڑیوں میں ٹرافیاں اور کیش انعامات تقسیم کیے۔ اس موقع پر ڈی جی سپورٹس پنجاب خضر افضال چوہدری، وائس چیئرمین سپورٹس بورڈ پنجاب سلیمان ملک، کوآرڈینیٹر اسپورٹس انوش کھوکھر اور دیگر حکام بھی موجود تھے۔
میڈل ٹیبل
-
لاہور ڈویژن: 25 گولڈ، 10 سلور – پہلی پوزیشن
-
فیصل آباد ڈویژن: 9 گولڈ، 16 سلور – دوسری پوزیشن
-
ملتان ڈویژن: 9 گولڈ، 6 سلور – تیسری پوزیشن
-
راولپنڈی: 7 گولڈ، 12 سلور – چوتھی
-
بہاولپور: 7 گولڈ، 9 سلور – پانچویں
-
گوجرانوالہ: 7 گولڈ، 7 سلور – چھٹے
-
سرگودھا: 2 گولڈ، 5 سلور – ساتویں
-
ساہیوال: 2 گولڈ، 2 سلور – آٹھویں
-
ڈی جی خان: 1 گولڈ، 2 سلور – نویں
کھلاڑیوں کے لیے مالی مراعات
صوبائی وزیر کھیل نے اعلان کیا کہ
-
گولڈ میڈلسٹ کو ماہانہ 1 لاکھ روپے
-
سلور میڈلسٹ کو 75 ہزار روپے
-
برانز میڈلسٹ کو 50 ہزار روپے
سپورٹس انڈومنٹ فنڈ سے دیے جائیں گے۔
انہوں نے بتایا کہ پنک گیمز میں پہلے ہی 70 لاکھ روپے سے زائد کے انعامات تقسیم کیے جا چکے ہیں جبکہ وزیراعلیٰ پنجاب کی جانب سے مزید 2 کروڑ روپے کے خصوصی انعامات بھی دیے جائیں گے۔
ریکارڈ شرکت
اس سال پنک گیمز میں پنجاب بھر سے 3400 خواتین کھلاڑیوں نے حصہ لیا، جبکہ گزشتہ سال یہ تعداد 1300 تھی، جو خواتین کے کھیلوں میں بڑھتی دلچسپی کا ثبوت ہے۔
صوبائی وزیر کھیل نے کہا کہ صوبے میں ٹیلنٹ کی تلاش کے لیے مزید اسپورٹس ایونٹس منعقد کیے جائیں گے اور پنجاب کا پہلا انٹرنیشنل اسپورٹس سٹی قائم کیا جائے گا، جس میں جدید اسٹیڈیمز، کورٹس اور ٹریکس شامل ہوں گے۔
ڈی جی سپورٹس پنجاب خضر افضال چوہدری نے ایونٹ کے کامیاب انعقاد پر کھلاڑیوں، کوچز اور انتظامیہ کو مبارکباد دی اور کہا کہ تمام ٹیموں کے لیے بہترین انتظامات کیے گئے تھے۔
About The Author
