پاکستان ویمن ٹی ٹوئنٹی ٹیم نے تیسرے میچ میں میزبان جنوبی افریقہ ویمن کو 53 رنز سے شکست دے کر سیریز کا اختتام جیت کے ساتھ کیا، اگرچہ پروٹیز ویمن پہلے ہی سیریز دو ایک سے اپنے نام کر چکی تھیں۔
قومی ٹیم نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 144 رنز اسکور کیے۔ کپتان Fatima Sana نے جارحانہ انداز اپناتے ہوئے 30 گیندوں پر 47 رنز کی برق رفتار اننگز کھیلی، جبکہ Aliya Riaz اور Sidra Ameen نے 26، 26 رنز بنا کر اسکور کو مستحکم کیا۔
144 رنز کے ہدف کے تعاقب میں جنوبی افریقہ ویمن ٹیم پاکستانی باؤلرز کے سامنے زیادہ دیر نہ ٹھہر سکی اور پوری ٹیم 17ویں اوور میں 91 رنز پر آؤٹ ہو گئی۔ جنوبی افریقہ کی جانب سے Anneke Diercksen 30 رنز کے ساتھ نمایاں رہیں۔
پاکستان کی باؤلنگ میں Sadra Iqbal نے تین کھلاڑیوں کو آؤٹ کیا جبکہ کپتان فاطمہ ثناء نے آل راؤنڈ کارکردگی کا مظاہرہ کرتے ہوئے دو وکٹیں بھی حاصل کیں۔
قومی ویمن ٹیم کی اس کامیابی نے سیریز کے اختتام پر ٹیم کے حوصلے بلند کر دیے اور نوجوان کھلاڑیوں کی کارکردگی مستقبل کے لیے مثبت اشارہ قرار دی جا رہی ہے۔
About The Author
