کولکتہ – آئی سی سی ٹی 20 ورلڈ کپ کے 37ویں میچ میں اٹلی نے ویسٹ انڈیز کے خلاف ٹاس جیت کر پہلے باؤلنگ کا فیصلہ کیا ہے، میچ تاریخی ایڈن گارڈنز میں کھیلا جا رہا ہے جہاں شائقین کی بڑی تعداد موجود ہے۔
ٹاس کے بعد گفتگو کرتے ہوئے اٹلی کے کپتان ہیری مانینتی نے کہا کہ ٹیم ابتدا میں کنڈیشنز کا فائدہ اٹھاتے ہوئے جلد وکٹیں حاصل کرنے کی کوشش کرے گی۔ ان کا کہنا تھا کہ ویسٹ انڈیز ایک مضبوط اور تجربہ کار سائیڈ ہے تاہم انگلینڈ کے خلاف حالیہ میچ سے ٹیم کو اعتماد ملا ہے اور وہ بہتر کارکردگی دکھانے کے لیے پُرامید ہیں۔
دوسری جانب ویسٹ انڈیز کے کپتان شائے ہوپ نے کہا کہ ٹاس ہارنے سے میچ پر کوئی فرق نہیں پڑتا کیونکہ اصل کامیابی میدان میں پلان کے مطابق کھیلنے میں ہے۔ انہوں نے کہا کہ ٹیم کا فوکس بڑی پارٹنرشپس قائم کرنے اور حریف کے خلاف مسابقتی اسکور بنانے پر ہے۔
میچ کے ابتدائی اوورز میں ویسٹ انڈیز کی بیٹنگ جاری ہے اور وہ محتاط انداز میں اننگز کو آگے بڑھا رہی ہے جبکہ اٹلی کے باؤلرز نئی گیند سے دباؤ ڈالنے کی کوشش کر رہے ہیں۔ شائقین کی نظریں اس بات پر مرکوز ہیں کہ ویسٹ انڈیز بڑا ہدف ترتیب دینے میں کامیاب ہوتی ہے یا اٹلی کی باؤلنگ لائن انہیں جلد قابو میں لے آتی ہے۔
About The Author
