پاکستان کرکٹ ٹیم کے ہیڈ کوچ مائیک ہیسن کا کہنا ہے کہ انہوں نے کبھی تصور بھی نہیں کیا تھا کہ وہ گرین شرٹ پہن کر اپنے ہی ملک نیوزی لینڈ کے خلاف حکمتِ عملی بنائیں گے۔
میڈیا سے گفتگو کرتے ہوئے مائیک ہیسن نے کہا کہ اپنے ملک کے خلاف کسی اور ٹیم کے لیے وفاداری نبھانا ان کے لیے ایک بالکل نیا تجربہ ہوگا۔ ان کا کہنا تھا کہ سات سال تک نیوزی لینڈ کی کوچنگ کرنے کے بعد اب وہ اس چیلنج کے لیے ذہنی طور پر تیار ہیں۔
انہوں نے بتایا کہ ہوٹل میں ناشتے کے دوران پرانے ساتھیوں اور جان پہچان کے چہروں سے ملاقات خوشگوار رہی، تاہم اس وقت ان کی مکمل توجہ اور دلی وابستگی پاکستان ٹیم کے ساتھ ہے۔
ہیڈ کوچ نے اس عزم کا اظہار کیا کہ ٹیم کو سُپر ایٹ مرحلے میں بہترین حکمتِ عملی کے ساتھ میدان میں اتارا جائے گا۔ واضح رہے کہ پاکستان کے اگلے میچز انگلینڈ اور سری لنکا کے خلاف بالترتیب 24 اور 28 فروری کو شیڈول ہیں۔
About The Author
