تھائی لینڈ کے صوبے چیانگ مائی میں واقع نجی جانوروں کے پارک، ٹائیگر کنگڈم، میں چند ہفتوں کے دوران 72 ٹائیگرز ہلاک ہو گئے۔ مقامی حکام نے بتایا کہ ہلاک شدہ ٹائیگرز کی ٹیسٹ رپورٹ میں کینائن ڈسٹیمپر وائرس اور سانس کے نظام کو متاثر کرنے والے بیکٹیریا کی موجودگی ثابت ہوئی۔
قومی محکمۂ لائیو اسٹاک کے ڈائریکٹر نے کہا کہ ٹائیگرز میں بیماری کی علامات کو بروقت پہچاننا مشکل ہوتا ہے، اور اکثر یہ صرف اس وقت ظاہر ہوتی ہیں جب صورتِ حال بہت سنگین ہو چکی ہو۔ انہوں نے بتایا کہ جب تک بیماری کا اندازہ ہوا، تب تک کئی جانور ہلاک ہو چکے تھے۔
پارک انتظامیہ سے اس حوالے سے فوری مؤقف حاصل نہیں کیا جا سکا، تاہم مقامی حکام نے اس واقعے کی تحقیقات شروع کر دی ہیں تاکہ مزید نقصان سے بچا جا سکے۔
About The Author
