نئی دہلی – بھارت ایک اور تیجس لڑاکا طیارہ سے محروم ہو گیا، جب یہ تربیتی پرواز کے دوران ایئربیس میں گر کر تباہ ہو گیا۔ خوش قسمتی سے پائلٹ بروقت اجیکٹ کرنے میں کامیاب ہوا اور محفوظ رہا۔
حادثے کے بعد انڈین ایئرفورس نے تمام تیجس طیاروں کا دوبارہ جائزہ لینے کا فیصلہ کیا ہے۔ موجودہ معلومات کے مطابق بھارتی ایئرفورس کے پاس کل 32 تیجس ایم کے ون طیارے موجود ہیں۔
بھارتی میڈیا کے مطابق یہ حادثہ دو سال کے دوران تیجس طیاروں کے تیسرے تباہی واقعے کے طور پر سامنے آیا ہے۔ پہلے تیجس طیارے کا حادثہ 2024 میں راجستھان میں ہوا تھا، جبکہ دوسرا طیارہ گزشتہ سال دبئی ایئرشو میں زمین بوس ہو گیا تھا۔
یہ سلسلہ بھارتی ایئر فورس کے تربیتی اور آپریشنل پروگرامز میں تیجس طیاروں کی حفاظت اور حفاظتی اقدامات پر سوالات کو جنم دے رہا ہے، جبکہ دفاعی ماہرین مزید تحقیق اور احتیاطی اقدامات کا مشورہ دے رہے ہیں۔
About The Author
