پاکستان سپر لیگ (PSL) کے گیارہویں ایڈیشن کے ٹکٹس کی آن لائن فروخت آج دوپہر 12 بجے سے شروع ہوگی، جبکہ فزیکل ٹکٹس 24 مارچ سے کوریئر سروس کی منتخب شاخوں پر دستیاب ہوں گے۔
حکام کے مطابق مختلف شہروں میں ٹکٹس کی قیمتیں درج ذیل ہوں گی:
- لاہور اور کراچی: جنرل ٹکٹ 250 روپے سے شروع
- فیصل آباد: کم از کم 300 روپے
- ملتان اور راولپنڈی: جنرل ٹکٹ 400 روپے
شائقین ایک شناختی کارڈ پر زیادہ سے زیادہ 8 ٹکٹس خرید سکیں گے۔ اعلامیے کے مطابق کراچی، لاہور اور راولپنڈی میں محدود تعداد میں ای ٹکٹس کی سہولت بھی فراہم کی جائے گی۔
پی ایس ایل کے سی ای او سلمان نصیر کا کہنا ہے کہ پی ایس ایل 11 کے ٹکٹس کی فروخت لیگ کے لیے ایک نئے دور کا آغاز ہے۔ ان کے مطابق ٹکٹوں کی قیمتیں جان بوجھ کر کم رکھی گئی ہیں تاکہ زیادہ سے زیادہ شائقین اسٹیڈیم آ کر میچز سے لطف اندوز ہو سکیں۔
یہ اقدام لیگ کی مقبولیت میں اضافے اور شائقین کی زیادہ سے زیادہ شرکت کو یقینی بنانے کے لیے اہم قرار دیا جا رہا ہے۔
About The Author
