France میں ہونے والے حالیہ بلدیاتی انتخابات میں پاکستانی نژاد کمیونٹی نے نمایاں کامیابی حاصل کرتے ہوئے ایک میئر اور 7 کونسلرز کی نشستیں اپنے نام کر لیں، جو یورپی سیاست میں اوورسیز پاکستانیوں کی بڑھتی ہوئی نمائندگی کا واضح ثبوت ہے۔
انتخابات میں مجموعی طور پر 16 پاکستانی نژاد امیدواروں نے مختلف سیاسی جماعتوں کے پلیٹ فارمز سے حصہ لیا، جن میں سے 8 امیدوار کامیاب قرار پائے۔ چار مختلف میونسپلٹیوں میں یہ کامیابیاں حاصل ہوئیں، جو مقامی سطح پر پاکستانی کمیونٹی کے بڑھتے ہوئے اثر و رسوخ کو ظاہر کرتی ہیں۔
Clichy-sous-Bois (جسے مقامی طور پر "منی پاکستان” بھی کہا جاتا ہے) میں پاکستانی نژاد Umar Ayub میئر منتخب ہوئے، جبکہ ان کے ساتھ تین پاکستانی نژاد کونسلرز بھی کامیاب ہوئے، جو اس شہر میں کمیونٹی کی مضبوط سیاسی موجودگی کو ظاہر کرتا ہے۔
دیگر شہروں میں بھی پاکستانی نژاد امیدواروں نے کامیابی حاصل کی، جن میں Villiers-le-Bel میں چوہدری احمد خان جلیلانی، Drancy میں نعیم محمد چوہدری اور La Courneuve میں ہارون خان بطور کونسلر منتخب ہوئے، جبکہ Arnouville میں اسعد بھی کونسلر منتخب ہوئے۔
سیاسی مبصرین کے مطابق یہ کامیابی اس بات کی عکاس ہے کہ اوورسیز پاکستانی نہ صرف معاشی میدان میں بلکہ سیاسی سطح پر بھی اپنی جگہ مستحکم کر رہے ہیں۔ اس پیش رفت کو مستقبل میں یورپی سیاست میں پاکستانی کمیونٹی کے مزید کردار کا پیش خیمہ قرار دیا جا رہا ہے۔
About The Author
