امریکا کی ریاست Texas میں واقع ایک بڑی آئل ریفائنری میں دھماکوں کے بعد شدید آگ بھڑک اٹھی، جس سے علاقے میں خوف و ہراس پھیل گیا۔
غیر ملکی میڈیا کے مطابق Valero Energy کی ریفائنری، جو Port Arthur میں واقع ہے، میں آگ لگنے سے قبل زور دار دھماکے سنے گئے۔ دھماکوں کی شدت اس قدر زیادہ تھی کہ قریبی رہائشی گھروں کی دیواریں تک لرز اٹھیں۔
ابتدائی اطلاعات کے مطابق آگ لگنے کی وجوہات تاحال معلوم نہیں ہو سکیں، جبکہ حکام نے واقعے کی تحقیقات شروع کر دی ہیں۔ ریسکیو اور فائر فائٹنگ ٹیمیں موقع پر پہنچ کر آگ پر قابو پانے کی کوششوں میں مصروف ہیں۔
میڈیا رپورٹس کے مطابق یہ ریفائنری روزانہ تقریباً ساڑھے چار لاکھ بیرل خام تیل کو پراسیس کر کے گیسولین، ڈیزل اور جیٹ فیول تیار کرتی ہے، جس کے باعث اسے خطے کی اہم ترین توانائی تنصیبات میں شمار کیا جاتا ہے۔
تاحال کسی جانی نقصان کی تصدیق سامنے نہیں آئی، تاہم حکام نے قریبی علاقوں کے مکینوں کو احتیاطی تدابیر اختیار کرنے کی ہدایت کی ہے، جبکہ واقعے کے ممکنہ ماحولیاتی اثرات کا بھی جائزہ لیا جا رہا ہے۔
About The Author
