ایرانی فوج کے ترجمان نے جاری جنگ کے حوالے سے سخت مؤقف اختیار کرتے ہوئے کہا ہے کہ جب تک ان کے چار بنیادی مطالبات پورے نہیں ہوتے، امریکا کو خطے سے نکلنے نہیں دیا جائے گا۔
ترجمان کے مطابق ایران نے جنگ میں اب تک 800 امریکی فوجیوں کو ہلاک اور تقریباً 5 ہزار کو زخمی کرنے کا دعویٰ کیا ہے، جبکہ 1321 اسرائیلی فوجیوں کی ہلاکت کا بھی ذکر کیا گیا ہے۔
ایرانی فوج کا مزید کہنا ہے کہ اس نے اب تک 17 امریکی فوجی اڈوں کو تباہ کیا ہے، جسے وہ اپنی عسکری کامیابی قرار دے رہی ہے۔
ترجمان نے امریکی فوج کی موجودہ صورتحال پر تنقید کرتے ہوئے کہا کہ ہوٹلوں اور دفاتر میں منتقل ہونا "ذلت آمیز پسپائی” ہے اور یہ امریکی عسکری حکمت عملی کی ناکامی کو ظاہر کرتا ہے۔
ان کا کہنا تھا کہ یہ صورتحال امریکا کی عالمی ساکھ کے لیے بڑا دھچکا ہے اور اس سے اس کی عسکری برتری کا تاثر متاثر ہو رہا ہے۔
About The Author
