پاکستان سپر لیگ کے نویں میچ میں کوئٹہ گلیڈی ایٹرز نے اسلام آباد یونائیٹڈ کو جیت کے لیے 184 رنز کا ہدف دے دیا۔
قذافی اسٹیڈیم میں کھیلے گئے اس میچ میں کوئٹہ گلیڈی ایٹرز نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 183 رنز اسکور کیے۔
کوئٹہ کے اوپنرز نے ٹیم کو جارحانہ آغاز فراہم کرتے ہوئے 50 رنز کی شراکت قائم کی۔ کپتان سعود شکیل نے 42 رنز بنائے جبکہ شامل حسین 21 رنز بنا کر آؤٹ ہوئے۔ دیگر بیٹرز میں خواجہ نافع 18، بین مکڈرموٹ 3 اور بیون جیکبز بغیر کوئی رن بنائے پویلین لوٹ گئے۔
اختتامی اوورز میں حسن نواز نے شاندار بیٹنگ کا مظاہرہ کرتے ہوئے 36 گیندوں پر 66 رنز کی ناقابل شکست اننگز کھیلی، جبکہ ٹام کرن نے 22 گیندوں پر 29 رنز بنا کر ٹیم کا اسکور مستحکم کیا۔
اسلام آباد یونائیٹڈ کی جانب سے کپتان شاداب خان نے عمدہ باؤلنگ کرتے ہوئے 3 وکٹیں حاصل کیں، جبکہ سلمان ارشاد اور عماد وسیم نے ایک، ایک کھلاڑی کو آؤٹ کیا۔
اب اسلام آباد یونائیٹڈ کو میچ جیتنے کے لیے 184 رنز درکار ہیں، اور شائقین کو ایک سنسنی خیز رن چیز کی توقع ہے۔
About The Author
