اقوام متحدہ کی سکیورٹی کونسل نے آبنائے ہرمز کے اہم سمندری راستے کی حفاظت اور اسے دوبارہ کھولنے سے متعلق ایک قرارداد پر ووٹنگ کا شیڈول طے کر لیا ہے۔ یہ پیش رفت ایسے وقت میں سامنے آئی ہے جب خطے میں کشیدگی بڑھ رہی ہے اور عالمی سطح پر توانائی کی ترسیل کو لاحق خطرات پر تشویش پائی جاتی ہے۔
غیر ملکی خبر رساں ادارے Associated Press کے مطابق یہ قرارداد بحرین کی جانب سے پیش کی گئی تھی، تاہم روس اور چین کی مخالفت کے باعث اس میں متعدد ترامیم کی گئیں۔ ابتدائی مسودے میں رکن ممالک کو یہ اختیار دینے کی تجویز شامل تھی کہ وہ تمام ضروری اقدامات کریں، جن میں ممکنہ طور پر عسکری کارروائی بھی شامل ہو سکتی ہے، تاکہ آبنائے ہرمز سے بحری آمدورفت کو یقینی بنایا جا سکے اور کسی بھی قسم کی بندش کی کوشش کو روکا جا سکے۔
قرارداد کے نظرثانی شدہ چھٹے ورژن میں اب زیادہ محتاط مؤقف اپنایا گیا ہے، جس کے تحت رکن ممالک کو صرف یہ ترغیب دی گئی ہے کہ وہ اپنے دفاعی اقدامات کو مربوط کریں تاکہ اس اسٹریٹجک آبی گزرگاہ کی حفاظت یقینی بنائی جا سکے۔ اس میں تجارتی اور مال بردار جہازوں کے تحفظ، اور بین الاقوامی سمندری راستے میں کسی بھی رکاوٹ یا مداخلت کو روکنے پر زور دیا گیا ہے۔
About The Author
