پاکستان سپر لیگ (پی ایس ایل) سیزن 11 کے 15ویں میچ میں Peshawar Zalmi نے ایک سنسنی خیز مقابلے کے بعد Hyderabad Kingsmen کو 4 وکٹوں سے شکست دے دی۔
کراچی کے National Bank Cricket Stadium میں کھیلے گئے اس میچ میں پشاور زلمی نے 146 رنز کا ہدف آخری اوور کی آخری گیند پر 6 وکٹوں کے نقصان پر حاصل کیا۔
ہدف کے تعاقب میں زلمی کے کپتان Babar Azam نے 43 رنز کی ذمہ دارانہ اننگ کھیل کر ٹیم کی فتح میں کلیدی کردار ادا کیا۔ ان کے علاوہ کوشال مینڈس 27، مائیکل بریسویل 25 اور افتخار احمد 15 رنز کے ساتھ نمایاں رہے، جبکہ عامر جمال 6 رنز بنا کر ناٹ آؤٹ رہے۔
اس سے قبل حیدرآباد کنگزمین کی ٹیم پہلے بیٹنگ کرتے ہوئے 19ویں اوور میں 145 رنز پر آؤٹ ہوگئی۔ ٹیم کی جانب سے کوشال پریرا 58 رنز کے ساتھ نمایاں رہے، جبکہ مارنوس لبوشانے 27 اور معاذ صداقت 17 رنز بنا سکے۔
پشاور زلمی کی جانب سے افتخار احمد اور سفیان مقیم نے شاندار باؤلنگ کا مظاہرہ کرتے ہوئے 4، 4 وکٹیں حاصل کیں، جبکہ عامر جمال نے ایک کھلاڑی کو آؤٹ کیا۔
میچ کے اختتام پر شائقین کرکٹ کو ایک انتہائی دلچسپ مقابلہ دیکھنے کو ملا، جہاں آخری گیند تک سنسنی برقرار رہی۔
About The Author
