پاکستان تحریک انصاف کے بانی اور سابق وزیراعظم عمران خان کا آکسفورڈ یونیورسٹی کا چانسلر بننے کا خواب ادھورا رہ گیا،، یونیورسٹی نے امیدواروں کی جو حتمی اور شارٹ لسٹڈ فہرست جاری کی ہے اس میں عمران خان شامل نہیں ہیں،،
یونیورسٹی کے چانسلر کا یہ عہدہ ایک نمائشی، علامتی اور روایتی عہدہ ہوتا ہے اور اس میں نمایاں شخصیات حصہ لیتی ہیں،، چانسلر کا یونیورسٹی کے انتظامی امور میں کوئی کردار نہیں ہوتا اور نہ ہی وہ یونیورسٹی کے کسی نصاب کو حتمی شکل دینے میں کردار ادا کرتا ہے،،
یونیورسٹی کی طرف سے جو حتمی فہرست جاری کی گئی ہے اس میں سابق برطانوی وزیراعظم بورس جانسن، مشہور برطانوی آرکیٹیکٹ سرنورمن فوسٹر اور معروف وکیل بیرسٹر پیٹر گریگ کو شامل کیا گیا ہے،،،
آکسفورڈ یونیورسٹی کی چانسلر شپ کے معاملے پر معروف قانونی فرم میٹرکس چیمبرز نے اپنی رائے کا اظہار کرتے ہوئے کہا تھا کہ عمران خان آکسفورڈ یونیورسٹی کے ضوابط کے مطابق چانسلر شپ کے اہل نہیں ہیں۔
سینئر قانون دان ہیوساؤتھی کے مطابق بانی پی ٹی آئی مجرمانہ سزا پانے کے سبب اس عہدے کے اہل نہیں ہیں۔
