اسلام آباد: سپریم کورٹ کا آئینی بینچ سانحہ 9 مئی، فوجی عدالتوں میں سویلین کے ٹرائل سے متعلق درخواستوں اور 8 فروری کے عام انتخابات میں مبینہ دھاندلی کی تحقیقات سمیت اہم درخواستوں کی سماعت آج کرے گا۔
مقدمات کی سمات جسٹس امین الدین خان کی سربراہی میں سپریم کورٹ کا 7 رکنی بینچ کرے گا، بینچ میں جسٹس جمال خان مندو خیل، جسٹس محمد علی مظہر، جسٹس حسن رضوی، جسٹس مسرت ہلالی، جسٹس نعیم اختر افغان اور جسٹس شاہد بلال شامل ہیں۔
سپریم کوٹ میں 9 مئی سانحہ پر جوڈیشل کمیشن تشکیل دینے کی درخواست پر سماعت آج ہوگی، جسٹس امین الدین خان کی سربراہی میں سپریم کورٹ کا 7 رکنی آئینی بینچ آج درخواست پر سماعت کرے گا۔
پاکستان تحریک انصاف (پی ٹی آئی) کے بانی چیئرمین عمران خان نے 9 مئی سانحہ کی تحقیقات کے لیے جوڈیشل کمیشن تشکیل دینے کی درخواست سپریم کورٹ میں دائر کر رکھی ہے۔
سپریم کورٹ کا آئینی بینچ فوجی عدالتوں کے فیصلے کے خلاف انٹرا کورٹ اپیلوں پر بھی سماعت سماعت آج کرے گا۔جسٹس امین الدین خان سربراہی میں 7 رکنی آئینی بینچ انٹرا کورٹ اپیلوں پر سماعت کرے گا، جسٹس شاہد بلال کو 7 رکنی آئینی بینچ میں شامل کر لیا گیا۔
سابق وزیراعظم عمران خان کی 8 فروری 2024 کے عام انتخابات میں دھاندلی کے خلاف تحقیقات کی درخواست پر سماعت بھی آج ہوگی۔ جسٹس امین الدین کی سربراہی میں سپریم کورٹ کا 7 رکنی آئینی بینچ سماعت کرے گا۔
یاد رہے کہ انتخابات کی جوڈیشل کمیشن کے ذریعے تحقیقات کے لیے بانی چیئرمین پی ٹی آئی عمران خان نے سپریم کورٹ میں درخواست دائر کی تھی۔
سپریم کورٹ میں سینئر صحافی ارشد شریف قتل از خود نوٹس کیس بھی آج سماعت کے لیے مقرر ہے، جسٹس امین الدین کی سربراہی میں 7 رکنی آئینی بینچ سماعت کرے گا۔
سپریم کورٹ کے آئینی بینچ کے سامنے مٹھی اسپتال سندھ میں بچوں کی اموات کا کیس بھی آج سماعت کے لیے مقرر ہے۔
جسٹس امین الدین کی سربراہی میں 7 رکنی بینچ کیس کی سماعت کرے گا جبکہ عدالت نے سندھ حکومت اور متعلقہ حکام کو نوٹس جاری کر دیے۔
