پاکستان اور امریکہ کے درمیان تجارتی معاہدہ طے پا گیا۔۔ صدر ڈونلڈ ٹرمپ نے وائٹ ہاؤس میں تجارتی معاہدے کی تفصیلات کا اعلان کیا۔۔ میڈیا سے بات کرتے ہوئے صدر ٹرمپ ایک مرتبہ پھر بھارت کو طنز کا نشانہ بناڈالا۔
امریکی صدر ڈونلڈ ٹرمپ نے اپنے ٹروتھ سوشل میڈیا پر پوسٹ کرتے ہوئے بتایا کہ ’ہم آج وائٹ ہاؤس میں تجارتی معاہدوں پر کام کرتے ہوئے بے حد مصروف ہیں، میں نے کئی ممالک کے رہنماؤں سے بات کی ہے، جن میں سے ہر کوئی چاہتا ہے کہ امریکا انتہائی خوش ہو‘۔
صدر ٹرمپ نے بتایا کہ ’ہم نے ابھی پاکستان کے ساتھ ایک معاہدہ طے کیا ہے، جس کے تحت پاکستان اور امریکا مل کر پاکستان میں تیل کے وسیع ذخائر کو ترقی دیں گے۔۔ ہم اس وقت ایک آئل کمپنی کا انتخاب کرنے کے عمل میں ہیں جو اس شراکت داری کی قیادت کرے گی‘۔
صدر ٹرمپ اس موقع پر بھی بھارت کو نہیں بھولے، انہوں نے کہاکہ ’کون جانتا ہے، شاید وہ (پاکستانی) ایک دن بھارت کو تیل فروخت کر رہے ہوں‘۔
انہوں نے مزید کہا کہ ’اسی طرح دیگر ممالک بھی ٹیرف میں کمی کے لیے پیشکشیں دے رہے ہیں، یہ تمام اقدامات ہمارے تجارتی خسارے کو بڑی حد تک کم کرنے میں مدد دیں گے‘۔
انہوں نے کہا کہ اس حوالے سے ایک مکمل رپورٹ مناسب وقت پر جاری کی جائے گی۔
