پاک امریکہ انسداد دہشتگردی ڈائیلاگ کا مشترکہ اعلامیہ جاری کر دیا گیا۔۔۔
دونوں ممالک نے دہشت گردوں کی جانب سے جدید ٹیکنالوجی کے استعمال سے نمٹنے کے لیے بھی موثر طریقہ کار اپنانے پر اتفاق کیا۔۔
دفتر خارجہ کے ترجمان نے کہا کہ پاکستان اور امریکہ کے درمیان انسداد دہشت گردی کے حوالے سے بات چیت کا دور اسلام آباد میں ہوا دونوں ممالک نے دہشت گردی کی ہر شکل اور قسم کا مقابلہ کرنے کے بھرپور عزم کا اظہار کیا۔۔
پاک امریکہ انسداد دہشت گردی ڈائیلاگ کی صدارت سپیشل سیکرٹری برائے یو این نبیل منیر اور امریکی قائم مقام کوارڈینیٹر برائے انسداد دہشت گردی گریگری ڈی لوگرفو نے کی۔۔
پاکستان اور امریکہ نے دہشت گردی سے لاحق خطرات سے نمٹنے کے لیے موثر طریقے اپنانے کی ضرورت پر زور دیا۔۔ دونوں ملکوں نے بی ایل اے، آئی ایس آئی ایس خراسان اور ٹی ٹی پی پاکستان جیسی تنظیموں سے نمٹنے کی اہمیت کو اجاگر کیا
ترجمان دفتر خارجہ کے مطابق امریکہ نے پاکستان کی جانب سے عالمی امن و سلامتی کو لاحق خطرات سے نمٹنے میں کامیابیوں کو سراہا اور پاکستان میں دہشت گردی کے واقعات میں شہریوں اور قانون نافذ کرنے والے اداروں سے وابستہ اہلکاروں کے جانی نقصان پر بھی افسوس کا اظہار بھی کیا۔۔
امریکہ نے جعفر ایکسپریس اور خضدار میں سکول بس پر ظالمانہ حملے کی شدید مذمت کی اور سیکیورٹی چیلنجز سے نمٹنے کے لیے دونوں ممالک کے درمیان موثر ادارہ جاتی فریم ورک کی تشکیل اور صلاحیتوں میں اضافے پر اتفاق کیا۔۔
پاکستان اور امریکہ نے دہشت گردوں کی جانب سے جدید ٹیکنالوجی کے استعمال سے نمٹنے کے لیے بھی موثر طریقہ کار اپنانے کے عزم کو دہرایا۔۔ دونوں ممالک نے اقوام متحدہ سمیت کثیر ملکی فورمز پر انسداد دہشت گردی کے لیے تعاون بڑھانے پر اتفاق کیا۔۔
پاکستان اور امریکہ کا انسداد دہشت گردی اور امن کے فروغ کے لیے موثر اور مربوط روابط برقرار رکھنے فیصلہ۔۔۔
