کراچی: پاکستان سٹاک مارکیٹ میں مندی کے باعث انڈیکس ایک لاکھ 55 ہزار پوائنٹس کی حد بھی کھو بیٹھا۔
کاروباری ہفتے کے پانچویں اور آخری روز کاروبار کے دوران سٹاک ایکسچینج میں شدید مندی کا رجحان رہا جس کے باعث 100 انڈیکس 1701 پوائنٹس کی کمی کیساتھ ایک لاکھ 54 ہزار 439 پوائنٹس کی حد پر بند ہوا ہے۔
واضح رہے کہ گزشتہ کاروباری دن کے اختتام پر انڈیکس 879 پوائنٹس کی کمی کیساتھ ایک لاکھ 56 ہزار 141 پوائنٹس کی سطح پر بند ہوا تھا۔
سٹاک مارکیٹ میں آج 21 ارب 8 کروڑ 27 لاکھ 47 ہزار 528 روپے مالیت کے 24 کروڑ 10 لاکھ 99 ہزار 22 شیئرز کا لین دین ہوا۔
