ماسکو – روس کی سرکاری دفاعی کارپوریشن روسٹیک (Rostec) کے سی ای او سرگئی چیمی زوف نے انکشاف کیا ہے کہ کارپوریشن نے ایک جدید لوئٹرنگ بارود (خودکش ڈرون) تیار کر لیا ہے، جس کی پیداواری لائن بھی شروع کر دی گئی ہے۔ یہ ڈرون نیٹو کے ہاؤٹزرز، ایچ آئی ایم اے آر ایس لانچرز اور دیگر کلیدی اہداف کو نہایت بلند درستگی کے ساتھ نشانہ بنانے کی صلاحیت رکھتا ہے۔
تاس کے مطابق سرگئی چیمی زوف نے بتایا کہ اس ڈرون کا ڈیزائن گزشتہ سال مکمل کیا گیا تھا اور اب یہ سلسلہ وار پیداوار میں داخل ہونے کے بعد محاذِ جنگ پر استعمال بھی ہو رہا ہے۔
انہوں نے مزید کہا کہ یہ ڈرون درجنوں کلومیٹر تک پرواز کرنے کی صلاحیت رکھتا ہے جبکہ اس میں نصب وارہیڈ کا وزن کئی کلوگرام ہے، جو نیٹو کے ہاؤٹزرز، کاؤنٹر بیٹری ریڈار، ایچ آئی ایم اے آر ایس سسٹمز، بکتر بند گاڑیاں اور کمانڈ پوسٹس سمیت متعدد اہم فوجی اہداف کو تقریباً سو فیصد درستگی کے ساتھ تباہ کرنے کی اہلیت رکھتا ہے۔
سرگئی چیمی زوف نے یہ بھی بتایا کہ روسٹیک جاسوسی یو اے ویز (UAVs) کی بنیاد پر حملہ آور ڈرونز کی تیاری پر بھی کام کر رہی ہے۔
About The Author
