حکومت نے قومی ہاکی ٹیم کے یورپ ٹور کے لیے فنڈز جاری کر دیے -

وفاقی حکومت نے Pakistan Hockey Federation کو سینئر قومی ٹیم کے دورۂ یورپ کے لیے درکار تمام فنڈز جاری کر دیے ہیں، جس کے تحت ٹیم England اور Belgium میں FIH Pro League کے میچز کھیلے گی۔

پاکستان ہاکی فیڈریشن نے حکومتی اقدام کو سراہتے ہوئے اسے قومی کھیل کی بحالی کی جانب ایک اہم سنگ میل قرار دیا ہے اور اس غیر متزلزل تعاون پر حکومت کا شکریہ ادا کیا ہے۔

فیڈریشن کے مطابق فنڈز کی بروقت فراہمی سے قومی کھلاڑیوں کو عالمی سطح پر اپنی صلاحیتوں کے اظہار کا بھرپور موقع ملے گا، جو پاکستان ہاکی کے وقار کی بحالی میں مددگار ثابت ہوگا۔

Pakistan Hockey Federation نے یقین دہانی کرائی ہے کہ فراہم کردہ وسائل کو شفاف اور مؤثر انداز میں استعمال کیا جائے گا تاکہ ٹیم بین الاقوامی سطح پر بہترین کارکردگی دکھا سکے۔

بیان میں مزید کہا گیا کہ قومی کھلاڑی ملک کا نام روشن کرنے کے لیے پُرعزم ہیں جبکہ دورے کے شیڈول اور میچز کی تفصیلات جلد جاری کی جائیں گی۔