واشنگٹن میں ہونے والے اہم سفارتی مذاکرات کے بعد اسرائیل اور لبنان نے جنگ بندی کے موجودہ معاہدے میں 45 روز کی توسیع پر اتفاق کر لیا ہے۔ یہ پیش رفت ایسے وقت میں سامنے آئی ہے جب خطے میں کشیدگی کے دوبارہ بڑھنے کے خدشات ظاہر کیے جا رہے تھے۔
امریکی محکمہ خارجہ کے مطابق دونوں ممالک کے درمیان دو روز تک جاری رہنے والے مذاکرات انتہائی نتیجہ خیز رہے، جن میں جنگ بندی کے تسلسل اور خطے میں کشیدگی کم کرنے کے لیے عملی اقدامات پر غور کیا گیا۔
محکمہ خارجہ کے ترجمان ٹومی پگٹ نے بتایا کہ فریقین نے 16 اپریل کو امریکی صدر ڈونلڈ ٹرمپ کی جانب سے اعلان کردہ جنگ بندی میں مزید 45 روز کی توسیع پر اتفاق کیا ہے۔ ان کے مطابق یہ فیصلہ خطے میں وقتی استحکام برقرار رکھنے کی کوششوں کا حصہ ہے۔
بیان میں مزید کہا گیا ہے کہ اسرائیل اور لبنان کے نمائندے 2 اور 3 جون کو دوبارہ مذاکرات کریں گے تاکہ جنگ بندی کے مستقل فریم ورک اور سیکیورٹی امور پر پیش رفت جاری رکھی جا سکے۔
About The Author
