حج کے موقع پر سعید انور، وسیم اکرم اور فخرِ عالم کی تصاویر سوشل میڈیا پر وائرل -

سعید انور، وسیم اکرم اور فخرِ عالم کی حج کے دوران لی گئی تصاویر سوشل میڈیا پر تیزی سے وائرل ہو رہی ہیں۔وائرل تصاویر میں سابق کپتان مصباح الحق بھی موجود ہیں، جبکہ یہ تمام شخصیات سعودی عرب میں حج کی ادائیگی کے لیے موجود ہیں۔

سوشل میڈیا پر شیئر کی گئی تصاویر میں سعید انور کو تبلیغی اجتماع اور دینی گفتگو کے دوران دیگر شخصیات کے ہمراہ دیکھا جا سکتا ہے۔ سعید انور ماضی میں بین الاقوامی کرکٹ سے کنارہ کشی کے بعد دینی سرگرمیوں سے وابستہ ہو چکے ہیں اور وہ عمومی طور پر عوامی تقریبات اور میڈیا سے دور رہتے ہیں، اسی وجہ سے ان کی نئی تصاویر مداحوں کی خاص توجہ حاصل کر رہی ہیں۔

یہ تصاویر فخرِ عالم نے اپنے سوشل میڈیا اکاؤنٹس پر شیئر کیں، جس کے بعد صارفین کی جانب سے مختلف تبصرے اور نیک خواہشات کا اظہار کیا جا رہا ہے۔