ایرانی جنرل کی عرب ممالک کو وارننگ، امریکی افواج نکالنے کا مطالبہ -

ایرانی پاسداران انقلاب کے سیاسی نائب جنرل یداللّٰہ جوانی نے عرب ممالک کو خبردار کیا ہے۔ انہوں نے عرب ممالک سے اپنے علاقوں سے امریکی افواج نکالنے کا مطالبہ کیا۔ انہوں نے خبردار کیا کہ ایسا نہ کرنے پر شدید فوجی کارروائی کا سامنا ہوسکتا ہے۔ غیر ملکی میڈیا کے مطابق جنرل یداللّٰہ جوانی نے یہ بیان ایران اور امریکہ کے درمیان جاری کشیدگی کے دوران دیا۔

جنرل یداللّٰہ جوانی نے کہا کہ ایرانی فوج اپنی صلاحیت ثابت کر چکی ہے۔ ان کے مطابق ایران ان مقامات کو نشانہ بنا سکتا ہے جہاں سے اس کے خلاف حملے کیے جاتے ہیں۔ انہوں نے کہا کہ ایران کے خلاف استعمال ہونے والے کسی بھی اڈے یا مقام کو جوابی کارروائی کا سامنا ہوسکتا ہے۔

ایرانی جنرل نے بالخصوص تین عرب ممالک کا نام لیا۔ ان میں کویت، بحرین اور اردن شامل ہیں۔ انہوں نے کہا کہ ان ممالک میں موجود وہ مقامات ایرانی حملوں کی زد میں آسکتے ہیں جہاں سے ایران کے خلاف فوجی کارروائیاں کی جاتی ہیں۔