امریکی محکمہ دفاع پینٹاگون میں خفیہ معلومات لیک ہونے کی تحقیقات جاری ہیں۔ رپورٹس کے مطابق تقریباً 50 جوائنٹ اسٹاف ارکان کے پولی گراف ٹیسٹ لیے گئے۔ تحقیقات کا تعلق میڈیا میں خفیہ معلومات کے اخراج سے ہے۔ ان معلومات میں امریکی ہتھیاروں اور گولہ بارود کے ذخائر کا بھی ذکر تھا۔
نیویارک ٹائمز کے مطابق مختلف رپورٹس میں امریکی اسلحے کے ذخائر میں کمی کا ذکر ہوا۔ خاص طور پر جدید اور اہم ہتھیاروں سے متعلق معلومات سامنے آئیں۔ ان میں طویل فاصلے تک مار کرنے والے میزائل بھی شامل تھے۔ پیٹریاٹ انٹرسیپٹرز کے ذخائر سے متعلق معلومات بھی رپورٹ ہوئیں۔ اس کے بعد پینٹاگون نے معلومات کے اخراج کا ذریعہ تلاش کرنے کی کوشش تیز کردی۔
رپورٹس کے مطابق تقریباً 50 فوجی اور سویلین اہلکاروں کے پولی گراف ٹیسٹ لیے گئے۔ یہ تحقیقات امریکی فوج کے جوائنٹ اسٹاف تک بھی پھیلائی گئیں۔جوائنٹ اسٹاف میں تقریباً 2 ہزار افسران اور اہلکار کام کرتے ہیں۔ اس سطح پر اتنی بڑی تعداد میں پولی گراف ٹیسٹ غیر معمولی قرار دیے جا رہے ہیں۔ رپورٹس کے مطابق کچھ دیگر اعلیٰ فوجی حکام سے بھی ٹیسٹ لیے گئے۔
About The Author
