تنزانیہ کی صدر سامیہ صلوحو حسن کے شوہر حافظ عامر حسن انتقال کرگئے۔ تنزانیہ کے نائب صدر ڈیوگراٹیئس اینڈیجمبی نے ان کے انتقال کی تصدیق کی۔ نائب صدر کے مطابق حافظ عامر حسن عارضہ قلب میں مبتلا تھے۔
برطانوی نشریاتی ادارے کے مطابق حافظ عامر حسن زنجبار کے ایک ہسپتال میں زیر علاج تھے۔ ان کی صحت سے متعلق مزید تفصیلات جاری نہیں کی گئیں۔نائب صدر نے بتایا کہ ان کی تدفین کے انتظامات جاری ہیں۔ حافظ عامر حسن کی تدفین زنجبار کے گاؤں کیزیمکازی میں متوقع ہے۔
حافظ عامر حسن پیشے کے اعتبار سے ماہر تعلیم تھے۔ وہ عوامی سطح پر زیادہ نمایاں رہنے سے گریز کرتے تھے۔ صدر سامیہ حسن نے 2021 میں تنزانیہ کی صدارت سنبھالی تھی۔ اس کے بعد حافظ عامر حسن ملک کے پہلے فرسٹ جنٹلمین بنے۔
About The Author
