حکومت نے سابق چیف جسٹس پاکستان قاضی فائز عیسیٰ پر حملہ کرنے والے اوورسیز پاکستانیوں کے خلاف سخت کارروائی کا فیصلہ کیا ہے۔۔
ترجمان دفتر خارجہ ممتاز زہرہ بلوچ نے ہفتہ وار بریفنگ میں کہا پاکستانی ہائی کمیشن کو حملہ آوروں کے خلاف لندن میں قانونی کارروائی کا کہا گیا ہے،،
اس سے پہلے وفاقی وزیر داخلہ محسن نقوی نے بھی حملہ آوروں کے پاسپورٹ اور شناختی کارڈ منسوخ کرنے کے احکامات جاری کئے تھے،، نادرہ سے کہا گیا ہے کہ فوٹیجز کی مدد سے حملہ آوروں کی شناخت کی جائے گی اور ان کے خلاف قانون کے مطابق کارروائی عمل میں لائی جائے،،
واضح رہے 29 اکتوبر کی رات گئے لندن میں قانونی درسگاہ مڈل ٹیمپل کے قریب چانسری لین پر پاکستان تحریک انصاف کے رہنماؤں اور حامیوں کی بڑی تعداد نے چیف جسٹس (ر) قاضی فائز عیسیٰ کے خلاف احتجاج کیا تھا۔
سابق چیف جسٹس مڈل ٹیمپل میں منقدہ ایک تقریب میں شریک تھے، جو لندن میں وکلا کی 4 انجمنوں میں سے ایک ہے۔
رواں سال چیف جسٹس (ر) قاضی فائز عیسیٰ اور دیگر کو مڈل ٹیمپل میں مدعو کیا گیا، جنہیں عشائیے سے قبل بینچ میں مدعو کیا گیا اور اعزاز ی میز پر جگہ دی گئی، عشائیے کے بعد ہر نئے بینچر نے مختصر خطاب کیا۔
اس موقع پر پاکستان تحریک انصاف ( پی ٹی آئی) کے حامیوں اور رہنماؤں احتجاجی مظاہرہ کیا جس سے سید ذوالفقار بخاری، صاحبزادہ جہانگیر اور سابق ایم این اے ملیکہ بخاری نے خطاب کیا تھا۔
