امریکہ گرین لینڈ میں دو مزید فوجی مقامات پر اپنی موجودگی قائم کرنے کا ارادہ رکھتا ہے۔رائٹرز کے مطابق یہ منصوبہ امریکہ، ڈنمارک اور گرین لینڈ کے درمیان متوقع معاہدے کا حصہ ہے۔معاہدے پر نیویارک میں اقوام متحدہ جنرل اسمبلی کے اجلاس کے موقع پر دستخط متوقع ہیں۔تین باخبر ذرائع نے یہ معلومات دی ہیں۔
ذرائع کے مطابق ان مقامات میں نارسارسواق شامل ہے۔یہ جنوبی گرین لینڈ میں واقع ہے۔امریکہ نے یہاں سرد جنگ کے دوران بلیو ویسٹ ون فوجی اڈہ قائم کیا تھا۔امریکہ نے یہ اڈہ 1950 کی دہائی میں بند کر دیا تھا۔دوسرا مقام مشرقی گرین لینڈ کا میسٹرز وِگ ہے۔یہ فوجی چوکی اس وقت ڈنمارک کی سیریس ڈاگ سلیج پیٹرول کے زیر استعمال ہے۔ یہ یونٹ ڈنمارک کی اسپیشل فورسز کا حصہ ہے۔
متوقع معاہدے کا مکمل متن ابھی عوام کے سامنے نہیں آیا۔ذرائع کے مطابق اس کی بعض تفصیلات دستخط تک حتمی نہیں ہوں گی۔تینوں ذرائع نے نام ظاہر نہ کرنے کی شرط پر معلومات فراہم کیں۔ڈنمارک اور گرین لینڈ کی حکومتوں نے فوری طور پر تبصرہ نہیں کیا۔
About The Author
