ایرانی وزیر خارجہ عباس عراقچی کو سات روزہ اعتماد سازی منصوبے پر امریکا کا جواب موصول ہوگیا ہے۔ جواب قطری ثالثوں کے ذریعے دوحہ میں پہنچایا گیا۔رائٹرز کے مطابق عراقچی نے گزشتہ رات دوحہ میں قطری ثالثوں سے ملاقات کی۔ اس ملاقات میں انہیں امریکی مؤقف سے آگاہ کیا گیا۔
عباس عراقچی اب تہران پہنچ کر ایرانی قیادت سے مشاورت کریں گے۔ مشاورت میں امریکی جواب اور آئندہ کے لائحہ عمل پر غور کیا جائے گا۔تازہ اطلاعات کے مطابق ایران اور امریکا کے درمیان بنیادی اختلاف منصوبے پر عملدرآمد کی ترتیب سے متعلق ہے۔ دونوں فریق منصوبے کے مختلف اقدامات کے وقت پر اختلاف رکھتے ہیں۔
ایران نے امریکا کو قطر کے ذریعے سات روزہ منصوبہ پیش کیا تھا۔ منصوبے کا مقصد دونوں ممالک کے درمیان اعتماد بحال کرنا ہے۔ایرانی وزیر خارجہ کے مطابق ضروری شرائط پوری ہونے پر آبنائے ہرمز میں معمول کی بحری آمدورفت سات روز میں بحال کی جا سکتی ہے۔ اس کے بعد وسیع تر مذاکرات شروع کرنے کی تجویز دی گئی ہے۔
About The Author
