امریکا نے تین ایرانی کمانڈروں سے متعلق معلومات دینے پر ڈیڑھ کروڑ ڈالر انعام کا اعلان کردیا -

امریکا نے تین ایرانی کمانڈروں سے متعلق معلومات فراہم کرنے پر مجموعی طور پر ڈیڑھ کروڑ ڈالر انعام کی پیشکش کردی۔امریکی محکمہ خارجہ کے مطابق یہ پیشکش پاسداران انقلاب کی ایرو اسپیس فورس سے وابستہ تین کمانڈروں سے متعلق معلومات کے لیے کی گئی ہے۔

امریکی محکمہ خارجہ کے مطابق ان کمانڈروں میں بریگیڈیئر جنرل عبداللہ محرابی، کمانڈر احمد جعفر آبادی اور کمانڈر علی اصغر نوروزی شامل ہیں۔امریکی حکام نے ان تینوں عہدیداروں کو ایرانی پاسداران انقلاب کی ایرو اسپیس فورس سے منسلک قرار دیا ہے۔

امریکی حکام کا کہنا ہے کہ تینوں کمانڈرز مشرق وسطیٰ میں امریکی فوج کے خلاف ایرانی حملوں سے متعلق کارروائیوں میں سرگرم رہے ہیں۔واشنگٹن کے مطابق ان افراد سے متعلق معلومات امریکی حکام کو ایرانی فوجی سرگرمیوں کے بارے میں مزید معلومات فراہم کرسکتی ہیں۔

امریکی محکمہ خارجہ نے متعلقہ معلومات فراہم کرنے والوں کے لیے مالی انعام کی پیشکش کی ہے۔امریکی حکومت کا کہنا ہے کہ ایسی معلومات مطلوب ہیں جو ان کمانڈروں کی شناخت، مقام یا سرگرمیوں سے متعلق ہوں۔امریکی محکمہ خارجہ کی جانب سے ان افراد کے بارے میں الزامات امریکی مؤقف کے طور پر سامنے آئے ہیں۔