پاکستان کرکٹ بورڈ نے سری لنکا کے خلاف تین ٹی ٹوئنٹی میچز اور انگلینڈ و سری لنکا کے خلاف ون ڈے ٹرائی سیریز کے لیے قومی اسکواڈز کا اعلان کردیا ہے۔ صاحبزادہ فرحان سری لنکا کے خلاف ٹی ٹوئنٹی سیریز میں پاکستان کی قیادت کریں گے۔ شاہین شاہ آفریدی ون ڈے ٹرائی سیریز کے لیے کپتان برقرار ہیں۔
پاکستان کے 15 رکنی ٹی ٹوئنٹی اسکواڈ میں صاحبزادہ فرحان، عبدالصمد، ابرار احمد اور عرفات منہاس شامل ہیں۔فخر زمان، حسن نواز، محمد عمران رندھاوا اور خواجہ محمد نافع بھی اسکواڈ کا حصہ ہیں۔ خواجہ نافع وکٹ کیپر کے طور پر شامل کیے گئے ہیں۔معاذ صداقت، نسیم شاہ، رضا اللہ اور صائم ایوب بھی ٹیم میں شامل ہیں۔ محمد سلمان مرزا، شاداب خان اور سفیان مقیم 15 رکنی اسکواڈ مکمل کرتے ہیں۔
پاکستان اور سری لنکا کے درمیان تین ٹی ٹوئنٹی میچز راولپنڈی کرکٹ اسٹیڈیم میں کھیلے جائیں گے۔پہلا میچ 9 اکتوبر کو ہوگا۔ دوسرا ٹی ٹوئنٹی 11 اکتوبر جبکہ تیسرا میچ 13 اکتوبر کو کھیلا جائے گا۔
پاکستان، انگلینڈ اور سری لنکا کے درمیان سات میچز پر مشتمل ون ڈے ٹرائی سیریز کھیلی جائے گی۔ ٹورنامنٹ کے ابتدائی تین میچز راولپنڈی میں ہوں گے۔باقی لیگ میچز اور فائنل لاہور میں کھیلے جائیں گے۔ شاہین شاہ آفریدی 16 رکنی پاکستانی ون ڈے اسکواڈ کی قیادت کریں گے۔
ون ڈے اسکواڈ میں ابرار احمد، سلمان علی آغا، عرفات منہاس اور بابر اعظم شامل ہیں۔ فہیم اشرف، فخر زمان، محمد غازی غوری اور حارث رؤف بھی ٹیم کا حصہ ہیں۔حسن نواز، نسیم شاہ، رضا اللہ، سعد بیگ، صائم ایوب، شاداب خان اور سفیان مقیم بھی ون ڈے اسکواڈ میں شامل ہیں۔
مائیک ہیسن ہیڈ کوچ جبکہ شان ٹیٹ بولنگ کوچ ہوں گے۔ مائیکل سمتھ بیٹنگ کوچ اور منصور امجد فیلڈنگ کوچ ہوں گے۔نوید اکرم چیمہ ٹیم منیجر ہوں گے۔ راولپنڈی مرحلے کے لیے شفقت شبیر اور لاہور مرحلے کے لیے سید نذیر احمد میڈیا منیجر ہوں گے۔کرنل عثمان انواری سیکیورٹی منیجر اور ڈاکٹر واجد علی رفاعی ٹیم ڈاکٹر ہوں گے۔
About The Author
