دبئی میں غیر قانونی طور پر رہائش رکھنے والے غیر ملکیوں کے لئے آخری وارننگ،، ایمنسٹی اسکیم سے فائدہ اٹھائیں ورنہ سخت ایکشن لیا جائے گا،،
متحدہ عرب امارات کی ریاست دبئی کے امیگریشن ڈپارٹمنٹ نے غیر قانونی تارکین وطن کو خبردار کیا ہے کہ آخری لمحات، آخری مہینے اور آخری ہفتے کا انتظار نہ کریں،، ویزا ایمنسٹی اسکیم میں 31 دستمبر تک توسیع کی گئی ہے،، غیر قانونی طور پر مقیم افراد فوری رابطہ کریں،،
31 دسمبر کے بعد تارکیں وطن سے کوئی رعایت نہیں برتی جائے گی،، اگلے ماہ دسمبر کی تعطیلات کے باعث ٹکٹ مہنگے ہو جائیں گے،،،
متحدہ عرب امارات نے امیگریشن جرمانے معاف کردیے ہیں، اماراتی ویزا ایمنسٹی اسکیم یکم ستمبر سے شروع کی گئی تھی۔
ویزاایمنسٹی اسکیم ایسے افراد کے لیے ہے جو قانونی طور پر امارات میں داخل ہوئے لیکن انہوں نے مدت ختم ہونے کے بعد ویزا کی تجدید نہیں کروائی۔
ویزا ایمنسٹی اسکیم کے تحت اماراتی حکام نے غیرقانونی رہائشیوں کو پُرکشش آفر کی ہے کہ وہ اس اسکیم سے فائدہ اٹھائیں، اب نہ انہیں نئے اماراتی ویزا کی پابندی کا سامنا کرنا پڑے گا اور نہ ہی ان پر سفری پابندیاں عائدکی جائیں گی، وہ بغیر جرمانے کے اس سہولت سےفائدہ اٹھاتے ہوئے خود کو رجسٹر کرواسکتے ہیں۔
