پنجاب کے عوام کو مہنگی بجلی سے چھٹکارا دلانے کے لئے صوبائی حکومت نے ایک لاکھ سولر پینلز مفت تقسیم کرنے کی اسکیم کا افتتاح کر دیا،،
وزیراعلی پنجاب مریم نواز شریف نے مفت سولر پینل تقسیم کرنے کی افتتاحی تقریب سے خطاب میں کہا کہ عوام کی اب مہنگی بجلی سے مستقل طور پر جان چھوٹ جائے گی،،
سیکریٹری انرجی پنجاب نے بتایا کہ اسکیم کے تحت سال بھر میں ایک لاکھ سولرسسٹم لگائے جائیں گے، صوبے میں ماہانہ 200 یونٹ تک صرف کرنے والے صارفین کو سولر سسٹم مفت دیا جائے گا۔
رپورٹ کے مطابق اسکیم کے تحت 100 یونٹ ماہانہ صرف کرنے والے 52 ہزار 19 صارفین کو 500 پچاس واٹ کا مفت سولر سسٹم دیاجائے گا، ان کے علاوہ 200 یونٹ تک ماہانہ بجلی صرف کرنے والے صارفین کو 11سو واٹ کا سولر سسٹم مفت دیاجائےگا۔
پنجاب کے صارفین فری سولر پینل اسکیم کے لئے 8500 پر ایس ایم ایس بھیج کر بھی رجسٹریشن کراسکتے ہیں، اس کے علاوہ شہری آن لائن پورٹل کے ذریعے بھی اسکیم کے لیے اپلائی کرسکتے ہیں۔
یاد رہے کہ وزیر اعلیٰ پنجاب مریم نواز نے جولائی میں عوام کو ریلیف دینے سے متعلق بڑا فیصلہ کرتے ہوئے 200 یونٹ بجلی استعمال کرنے والے صارفین کو سولر پینل دینے کا اعلان کیا تھا۔
