بانی پی ٹی آئی عمران خان کے سابق میڈیا کوآرڈینیٹر جاوید بدر نے کہا ہے کہ 2013 میں خیبر پختونخوا میں پاکستان تحریک انصاف (پی ٹی آئی) کی حکومت کالعدم تحریک طالبان (ٹی ٹی پی) کی مدد سے بنی تھی۔
اپنے ویڈیو بیان میں جاوید بدر کا کہنا تھا کہ میرے ضمیر پر بہت بڑا بوجھ تھا جس کا میں خلاصہ کرنا چاہتا ہوں۔
انہوں نے بتایا کہ کالعدم ٹی ٹی پی کی مدد سے 2013 میں خیبر پختونخوا میں تحریک انصاف کی حکومت بنی تھی۔ بانی پی ٹی آئی نے ڈیل کی تھی جس کا میں گواہ تھا۔
عمران خان کی سرگرمیاں 2013 سے ہی مُلک دُشمن رہی ہیں.عمران خان کا جلد از جلد فوجی ٹرائل شروع ہونا چاچاہیے۔ 2013 میں پی ٹی آئی نے کے پی کے حکومت ٹی ٹی پی کی مدد سے بنائی تھی ۔
سواۓ پی ٹی آئی کے ہر سیاسی پارٹی کی میٹنگ جلسے پر بم دھماکے اور فائرنگ ہورہی تھی۔عمران خان کے مُجھے کہا کہ ٹی ٹی پی والوں سے میری بات ہوگئی ہے ۔وہ ہمیں مُکمل سپورٹ کریں گے اور صوبے میں کسی اور پارٹی کو کمپین نہیں کرنے دیں گے۔میرے ذریعے پارٹی لیڈرز کو اُن کے خلاف بیان دینے سے روک دیا گیا تھا۔
سونامی مارچ بھی ٹی ٹی پی کے ساتھ ڈیل کرکے اُنھیں کے حق میں کیا گیا تھا ۔عمران خان اقتدار کے لیے کسی بھی حد تک جاسکتے ہیں ۔ٹی ٹی پی سے اُس وقت ہاتھ ملایا گیا جب وہ ہمارے شہریوں اور فوجیوں کو شہید کررہے تھے۔دہشت گردوں سے مدد لینے والا کس طرح مُحب وطن ہوسکتا ہے۔
پی ٹی آئی کے ابھی تک دہشت گردوں کے ساتھ تعلقات ہیں ۔پی ٹی آئی کے ہر احتجاج میں دہشت گرد عناصر موجود ہوتے ہیں ۔
عمران خان نے تبدیلی کے نام پر مُلک کے نوجوانوں کو ریاست کے خلاف استعمال کیا۔
