ایران نے اپنے ایٹمی پروگرام کے حوالے سے عالمی جوہری ایجنسی (IAEA) کو مکمل تعاون فراہم کرنے کا عہد کیا ہے، اور اس بات کی ضمانت دی ہے کہ وہ اپنے نیوکلیئر پلانٹس تک ایجنسی کی رسائی میں کسی قسم کی رکاوٹ نہیں ڈالے گا۔ ایران کے ایٹمی توانائی ادارے کے سربراہ محمد اسلامی نے اعلان کیا ہے کہ ایران نے IAEA کے معائنے کی اجازت دینے میں کوئی رکاوٹ پیدا نہیں کی اور نہ ہی آئندہ ایسی کوئی رکاوٹ ڈالے گا۔
یہ اعلان اس وقت کیا گیا ہے جب IAEA نے اپنی ایک رپورٹ میں بتایا کہ ایران نے اپنی یورینیم کی افزودگی کی رفتار کو بڑھا دیا ہے اور فورڈو پلانٹ میں افزودگی کی سطح 60 فیصد تک پہنچا دی ہے، جو جوہری ہتھیاروں کی تیاری کے لیے ضروری 90 فیصد کے قریب ہے۔ اس کے باوجود، ایران نے ایجنسی کے معائنے اور نگرانی کے عمل میں کسی بھی قسم کی رکاوٹ ڈالنے سے انکار کیا ہے۔
About The Author
