اسرائیلی حملوں کے باعث لبنان کے عام انتخابات دو سال کے لیے مؤخر -

بیروت – لبنان کی پارلیمنٹ نے ملک میں جاری سیکیورٹی صورتحال کے پیش نظر عام انتخابات دو سال کے لیے مؤخر کرنے کی منظوری دے دی ہے۔

میڈیا رپورٹس کے مطابق Parliament of Lebanon میں ہونے والی ووٹنگ کے دوران 76 ارکان نے مئی میں ہونے والے انتخابات ملتوی کرنے کے حق میں جبکہ 41 ارکان نے مخالفت میں ووٹ دیا، جبکہ چار اراکین نے ووٹنگ میں حصہ نہیں لیا۔

رپورٹس کے مطابق انتخابات مؤخر کرنے کا فیصلہ ایسے وقت میں کیا گیا ہے جب Lebanon گزشتہ کئی روز سے Israel کی جانب سے جاری حملوں کا سامنا کر رہا ہے۔

لبنانی حکام کے مطابق اسرائیلی بمباری کے نتیجے میں اب تک 394 افراد شہید جبکہ ایک ہزار سے زائد زخمی ہو چکے ہیں، جس کے باعث ملک میں سیاسی اور سیکیورٹی صورتحال انتہائی کشیدہ ہو گئی ہے۔

حکام کا کہنا ہے کہ موجودہ حالات میں آزاد اور محفوظ انتخابات کا انعقاد ممکن نہیں، اسی لیے پارلیمنٹ نے انتخابات کو دو سال کے لیے مؤخر کرنے کا فیصلہ کیا ہے۔