ایتھنز : یونان کشتی حادثے میں زندہ بچ جانے والے پاکستانیوں نے دکھ بھری داستان سناتے ہوئے کہا ہے کہ جس کشتی پر سوار تھےاس کے نہ انجن ٹھیک تھے، نہ واکی ٹاکی نہ جی پی ایس درست حالت میں تھے۔
متاثرین کا کہنا ہے کہ چھوٹی سی کشتی میں 84 افراد سوار تھے، بپھرے سمندر کی اونچی لہروں میں کشتی کارگو جہاز سے ٹکرا کر الٹ گئی۔
متاثرین نے مزید بتایا کہ درجنوں پاکستانی ہماری آنکھوں کے سامنے ڈوب گئے۔ان کا کہنا تھا کہ کارگو شپ نے ہمیں بچایا، کپڑے، موبائل سمیت سارا سامان بہہ گیا، مدد کی جائے۔
دفتر خارجہ کا کہنا ہے کہ کشتی حادثے میں جاں بحق ہونے والے پاکستانیوں کی تعداد چار ہوگئی ہے۔
About The Author
